Frítíð og mentan

Í Eiðis kommunu er eitt ríkt mentanarlív.

Kirkja og samkomuhús verða væl vitjaði og tað sama er galdandi fyri tey tiltøk, sum samkomurnar skipa fyri uttanfyri vanligu karmarnar, so sum legur, útferðir og annað.

Í EB og EB/Streymi eru hundratals børn og vaksin virkin í ymiskum ítróttagreinum. Um summari er tað serliga fótbóltur á skránni, og hesin hevur fingið góðar karmar við fótbóltsvøllinum í Hólmanum. Um veturin er nógvur hondbóltur, men eisini aðrar ítróttargreinar so sum innandurða fótbóltur og badminton verða dúgliga íðkaðar í ítróttarhøllini.

Umframt hetta eru virkin talv, dart, og róðrarfeløg í bygdini. Eiðis kommuna bjóðar børnum upp til 18 ár kr. 2.000 at brúka til limagjøld í ymiskum feløgum.
Gjaldið fevnir eisini um virksemi uttanfyri Eiðis kommunu.

Summari fevnur eisini um kampingøki, sum liggur á mølini – gamli fótbóltsvøllurin í bygdini. Plássið er væl vitja um vikuskiftini og har eru tónleikaframførðslur á skránni fyri gestunum.

Tónleikaskúlin er eisini virkin og hesin hevur fingið góðar umstøður við mentanarhøllini í gomlu fimleikarhøllini.

Síðani 2014 hevur Heystfagnaðurin – “Føroya bygdasligasta tiltak” – verið fastur táttur, og hevur hesin fingið góða undirtøku frá bæði bygdarfólki og avbygdafólki.