Vinarbýir

Eiðis kommuna er partur av størstu vinarbýaketuni í Norðanlondum, rópt foreningen NORDEN ellaNorrønafelagið. Fyrsta lokala deildin av felagnum varð stovnað á Siglufirði í 1938. Føroyska deildin varð stovnað í 1986, men eiðisfólk luttóku í vinarbýatiltøkum longu í 1982.

Umframt Eiði eru vinarbýirnir Arsuk í Grønlandi, Siglufjørður í Íslandi, Herning í Danmark, Husby í Slesvig, Holmestrand í Noregi, Vanersborg í Svøríki, Kangasala í Finnlandi og Áland.

Samstarvið millum vinarbýirnar hevur verið ymiskt, men hesi seinnu árini hevur tað fyrst og fremst verið av mentanarligum slag. Norrønafelagið stendur fyri ein stóran part fyri tí praktiska í hesum sambandi.

Fýra ferðir hevur vinarbýastevna verið á Eiði; í 1988, 1996, 2006 og 2014.

Ein bóklingur varð fyri nøkrum árum síðani gjørdur um søguna hjá Norrønafelagnum. Bóklingurin finnist her.