Terapeutar til VEKS

Søkt verður eftir:

• 2 fysioterapeut í fast starv
• 1 ergoterapeut í fast starv
• 1 ergoterapeut – farloyvisstarv til tann 31/10-2024

  til nýggja terapeutiska toymið hjá VEKS.

Starvsbrøkur 1,0 ella eftir nærri avtalu.

Sum partur av nýstovnaða terapeutiska toyminum hjá VEKS hevur tú tilvísing til terapeutiska leiðaran. Toymið er í løtuni mannað við einum fysioterapeuti, sum leiðara, einum ergoterapeuti og einum hjálparfólki.

Endamál

Terapeutiska toymið hevur m.a. til endamáls, at borgarar 67+ í VEKS:

·         Verða møttir, har tey eru á lívsleið síni.

·         Í mesta mun varðveita lívsgóðsku sína.

·         Verða stimbrað likamliga, sálarliga og sosialt.

·         Varðveita eini góð og innihaldsrík ellisár heima.

·         Fáa neyðugu endurvenjing og endurmenning.

ARBEIÐSUPPGÁVUR:

·         At veita terapeutiskar tænastur og ráðgeving til borgarar og starvsfelagar.

·         At viðvirka til trivna og fakliga menning.

·         At samstarva í einum tvørfakligum umhvørvi.

Sum partur av nýstovnaða terapeutiska toyminum, fært tú møguleika at seta dám á tilboðini, VEKS fer at bjóða borgarum sínum.

Starvið inniheldur fjølbroyttar fakligar og persónligar avbjóðingar, har tú bæði kemur at arbeiða sjálvstøðugt og í tøttum samstarvi við m.a. leiðslu, starvsfólk, borgarar og avvarðandi.

FØRLEIKAKRØV:

·         Prógv og góðkenning sum fysio- ella ergoterapeutur.

·         Góð samskiftisevni – bæði skriftliga og munnliga.

·         KT- førleika á brúkarastøði.

·         Síggja møguleikar í broytingum, borgarum og starvsfólki at gagni

SETANARVIÐURSKIFTI:

Starvið verður at seta pr. 1. feb. 2024 ella eftir nærri avtalu, og verður lønt smb. sáttmála millum Fysioterapeutfelag Føroya/Ergoterapeutfelagið og Fíggjarmálaráðið og  Kommunala Arbeiðsgevarafelagið.

UMSÓKN:

Umsókn saman við prógvum, góðkenning, og CV skulu sendast til veks@veks.fo og viðmerkjast “Terapeutur í VEKS”. Umsóknarfreistin er hósdagin tann 25. jan 2024 klokkan 12.

Samrøður verða í viku 4-5 ella eftir nærri avtalu.

Meira fæst at vita um starvið við at venda sær til Saritu V. Vesturtún, leiðara tlf. 793244,  ella við telduposti til veks@veks.fo.

VEKS ynskir at veita somu tænastur til sama tørv. VEKS veitir tænastur til borgaran eftir einum samskipaðum leisti (integreraðari skipan), har ymisku tænastueindirnar skulu virka í samljóð hvør við aðra.